АӨҚО ҚРА төрағасының орынбасары Ш.С.Қанапьянов «FATTAH FINANCE» Акционерлік қоғамы мен AmanahRaya – Малайзиялық мемлекеттік қаржылық тобы арасындағы бірқатар келісімшарттар мен меморандумдарды жасасу салтанатына қатысты

2010 жылдың 19 шілдесінде Астана қаласында Қазақстан Республикасы Алматы қаласының өңірлік қаржы орталығының қызметін реттеу агенттігі төрағасының орынбасары Ш.С.Қанапьянов Шариат нормаларына сәйкес Қазақстанда қызмет көрсететін алғашқы компания «FATTAH FINANCE» Акционерлік қоғамы мен AmanahRaya – Малайзиялық мемлекеттік қаржылық тобы арасындағы бірқатар келісімшарттар мен меморандумдарды жасасу салтанатына қатысты.

Сонымен қатар, келесі құжаттарға қол қойылды:

• Қазақстанда ислам банкін құру жөніндегі келісім ( AmanahRaya, «Қазақстан даму банкі» АҚ және «FATTAH FINANCE» АҚ арасында);
• Қазақстанда хадж фондты құру туралы келісім (AmanahRaya мен «FATTAH FINANCE» АҚ арасында);
• Қазақстанда Халяль Хабты құру туралы өзара ынтымақтастық меморандумы (AmanahRaya, «KAZNEX INVEST» АҚ және «FATTAH FINANCE» АҚ арасында).

Аталған шараға сонымен қатар:

• ҚР Премьер-Министрі орынбасары, ҚР Индустрия және жаңа технологиялар министрі — Ә.Исекешев;
• Министрлер кабинетінің мүшесі, Малайзия Әділет министрі — Mohamed Nazri bin Tan Sri Abdul Aziz;
• «AmanahRaya Capital Group Sdn Bhd» директоры — Ahmad Rodzi Pawanteh

қатысты.